රනිල්ගේ අාණ්ඩුවේ පොලිස්පති බලතල අනුර කුමාර දිසානායකට

ජනතා විමුක්ති පෙරමුණේ නායක අනුර කුමාර දිසානායක දූෂණ විරෝධී ව්‍යාපාරයේ කස කාරයාය. ඔහු මහින්ද රාජපක්ෂගේ දූෂිත පාලනය දැඩි ලෙස විවේනයට ලක් කරන්නෙකි. මහින්ද රාජපක්ෂගේ අාණ්ඩුවේ අැමැති ජොන්ස්ටන්ගේ ඒතනෝල් ජාවාරමද දැඩි ලෙස විවේචනය කළේය.

ඒ වගේම හිටපු රාජ්‍ය අාරක්ෂක ලේකම් ගෝඨාභය රාජපක්ෂ ඒල්.ටී.ටී.ඊ නායක කේ.පී.ව හුරතල් කිරීම ගැනද මුලින්ම කතා කළේ ඔහුය. අලි පැටව් ජාවාරම ගැනද අනුර කුමාර කතා කළේය. අැත්ත වශයෙන්ම අනුර කුමාර දිසානායක කතා නොකළ මාතෘකාවක් නැති තරම්ය. 

මේ නිසාම රටේ ජනතාව ඔහුව 'අැත්ත' දූෂණ විරෝධියෙක් ලෙස සලකන්නට පටන් ගත්තේය.

අනුර කුමාර අැත්ත දූෂණ විරෝධියෙක්ද?

රනිල් වික‍්‍රමසිංහ අගමැතිවරයා ලෙස වැඩ පටන් ගත්තේ "වංචා හා දූෂණ විමර්ශනය සදහා ඒකකයක් ස්ථාපිත" කිරීමෙන්ය.

2015 ජනවාරි මස 21 වැනිදා පැවැත්වුනු අමාත්‍ය මණ්ඩල තීරණයක් අනුව "වංචා හා දූෂණ විමර්ශනය සදහා ඒකකයක් " නිල ලෙසම පිහිටු වීය. ඊට අදාළ ගැසට් පත‍්‍රයේ දිනය 2015 ජනවාරි 29 දාතමින්ය.

කැබිනට් මණ්ඩලයේ අනුමැතිය මත ස්ථාපිත කරනු ලැබූ දූෂණ විරෝධී කමිටුව කොටස් තුනකින් යුක්තය.මූලික කමිටුව, අනුකමිටුව සහ ක්ෂණික ප‍්‍රතිචාර කමිටුව වශයෙන්ය.

මූලික කමිටුව සහ අනුකමිටුව මගින් ලබා දෙන තොරතුරු මත දූෂිතයන් සහ ජාවාරම් කරුවන්ව වටලෑම, අත් අඩංගුවට ගැනීම, නඩු පැවැරීම සහ ඔවුන්ට රටින් පැනීම වැලැක්වීමේ වගකීම පැවැරී තිබුණේ අනුර කුමාර දිසානායකටය. 

මෙම ගැසට් පත‍්‍රයට අනුව අනුර කුමාර දිසානායක 2015 ජනවාරි 29දා සිට ආණ්ඩුවේ නිල හවුල් කරුවෙක් විය.

අගමැතිවරයා අනුර කුමාර දිසානායකට ලබාදුන් බලතල කීපයක්

• දූෂිතයන් සහ ජාවාරම් කරුවන්ව වැටලීම්, අත්අඩංගුවට ගැනීම්, ප‍්‍රශ්න කිරීම්, අධිකරණයට ඉදිරිපත් කිරීමේ බලය
• විමර්ශන අවසන් වන තෙක්  සැක කරුවන් රටින් පිට වීම වලක්වා ගැනීමේ බලය
• විදෙස්ගත සැක කරුවන් ගෙන්වා ගැනීමේ බලය
• අනුරගේ මෙහෙයුම් කාර්යාලය, අරලියගහ මන්දිරයේ නිල් බලකාය මෙහෙයුම් ගොඩනැගිල්ල
• තෝරාගත් රාජ්‍ය නිලධාරීන් කණ්ඩායමක්
• තෝරාගත් පොලිස් නිලධාරීන් කණ්ඩායමක් (ඒ.එස්.පී. ශානි අබේසේකරගේ නායකත්වයෙන්)
• නීතිඥවරුන් (නීතිපති යටතේ)
• මූල්‍ය විගණන විශේෂඥයින්
• අපරාධ පරීක්ෂණ දෙපාර්තමේන්තුවේ සම්බන්ධීකාරකවරුන් 
• අැති තරම් වාහන
• දුරකථන හා කාර්ය මණ්ඩලය 

අනුර කුමාර දිසානායකට රනිල් වික‍්‍රමසිංහ අාණ්ඩුවත් සමග තිබුණු මෙම නිල සම්බන්ධතාවය ගැන ජවිපෙ දේශපාලන මණ්ඩලය සහ මධ්‍යම කාරක සභාව දනිත්ද? ජවිපෙ සාමාජිකයන්ට ඒ පිළිබදව අවබෝධයක් තිබේද?

මේ කිසිවක් ගැන ජනතා විමුක්ති පෙරමුණ සාමාජිකයාට අවබෝධයක් නැති බව නම් පැහැදිලිය. අනුර කුමාර දිසානායක පක්ෂයට හොරා දැනටමත් ඒක්සත් ජාතික පක්ෂය සමග දීගෙක ගොස් අවසන්ය.

 නිල බල තල අනුව අනුර කුමාර දිසානායක කළ යුතු වැඩ සටහන්

      1.කුමරන් පද්මනාදන් හෙවත් කේ.පී. අත්අඩංගුවට ගැනීම
      2.එල්.ටී.ටී.ඊ. ය වෙතින් අත්පත් කරගන්නා ලද රත‍්‍රන් සොයා                  ගැනීමට වෙනම විමර්ශන ඒකකයක් පිහිටු වීම
     3.ජොන්ස්ටන් ප‍්‍රනාන්දු විසින් මරාගෙන මැරෙන ත‍්‍රස්තවාදියෙකු              කොළඹට ගෙන ඒම පිළිබඳ විමර්ශන ආරම්භ කිරීම
     4.මාධ්‍යවේදීන් ඝාතනය කිරීම පිළිබඳව සොයා බැලීමේ වෙනම                විමර්ශන ඒකකයක්
     5.මහා පරිමාණ දූෂිතයන් හා ජාවාරම්කරුවන්  අවම වශයෙන් 15             දෙනෙකු අත් අඩංගුවට ගැනීම
6.අලි පැටවුන් නීති විරෝධිව ගෙන යාම සහ හමුදා කදවුරු වලට             ගෙනවිත් දැමීම පිළිබඳව සොයා බැලීම
     7.ජනාධිපති මැතිවරණ සමයේ බෙදා හැරීම සඳහා ගෙනැවිත් දැනට           ගබඩා කර ඇති භාණ්ඩ සොයා බලා ඒවා හෙළිදරව් කිරීම

  8.ඉඩම්,චංචල හා නිශ්චල දේපල දූෂිත ලෙස අත්පත් කර ගැනීම               පිළිබඳව සොයා බලා ඒවා හෙළිදරව් කිරීම

      9.සේවක අර්ථ සාධක අරමුදල, කොටස් වෙළදපොල වංචා දූෂණ               පිළිබඳව සොයා බලා හෙළිදරව් කිරීම

     10.වාස් ගුණවර්ධන දන්නා තොරතුරු 129 ප‍්‍රකාශයක් ලෙස ලබා              ගැනීම

 සත්‍ය වශෙයන්ම ජනතා විමුක්ති පෙරමුණේ නායක අනුර කුමාර දිසානායක රනිල් වික‍්‍රමසිංහ අාණ්ඩුවේ පොලිස්පති වරයා විය. ඒ දූෂණ විරෝධී පොලීසියේය. මෙම බලතල යොදා ගෙන දින සීය අවසන් වීමට පෙර හෝ පසුව හෝ ඉහත සදහන් කාරණා අතරින් කීයක් අනුර කුමාර දිසානායක විසින් ඉටු කොට තිබේද?

ඉහත සදහන් කාරණා ඉටු නොවුණු බව රටම දනී. අනුර කුමාර දිසානායක දූෂිතයන්ට ඒරෙහිව රටට 'දැනෙන' යමක් නොකළ බවත් පැහැදිලිය. ඒ අැයි?

ජවිපෙ හිටපු නායක සෝමවංශ අමරසිංහ මහතා කියා සිටින්නේ ජවිපෙ වත්මන් නායකයෝ ජාවාරම් කරුවන්ගේ පැටිකිරිය හෙළිදරව් කිරීම නතර කර අැති බවයි. ඒ ජාවාරම් කරුවන්ගේ සල්ලි කුට්ටි ජවිපෙ 'නායකයන්ගේ' කටේ හිර වී අැති නිසා බවත් අමරසිංහ මහතා කියා සිටී.